Gin-umpisahan na sang aton City Engineers Office ang pagpasemento sang alagyan sa Sitio Bangongon, ang access road sang Baybay kag Culasi.
Kapin sa tunga sa kilometro ang kahabaon sini nga karsada nga ginalauman naton nga mahuman sa sulod sang apat ka bulan.
“Salamat gid mayor kay nasemento na ini nga dalan. Dako gid ini nga bulig sa mga negosyante labi na sa mga estudyante nga nagaantos tarag sa maligna kag malutak ang alagyan,” siling sang taga – Baybay.
