Solbar na ang problema sa alagyan sang taga-Villa Carmel kag Sitio Labugay Lawis sa Baybay nga ginpalab-ot sa aton nanday Kapitan Erwin Oroceo.
Ginhingagaw kaina sang aton Equipment Pool Division ang pagpakay-o sa guba nila nga dalan nga batsihon na kag tuman ka lutak kon mag-ulan.
“Timing gid ang repair sa amon alagyan kay manugbukas naman ang klase. Indi na mag-inantos amon mga estudyante sa pagtarag sa lutak kon tingulan kag alikabok kon tig-ilinit,” siling sang taga-Sitio Carmel.
