Libre ang RT-PCR Swab Test sa mga close contacts kag mga CoVid-19 suspect cases nga residente sang Roxas City. Apang may mga kasimanwa kita nga nga naga-walk in para sa travel, employment, kag iban pa nga katuyuan.
Gani, luyag ko ipahibalo sa inyo nga nag-request kita sa aton City Council nga magpasar sang ordinansa nga panubuan ang balayran sang mga walk-in patients nga nagapa-swab sa aton Roxas City Diagnostic and Laboratory Center.
Kahapon sa regular session sang Sangguniang Panlungsod ila guin-aprubahan ang akon hingyu. Halin sa P3,800 nga balayran sa RT PCR Swab Test, mangin P2,800 pesos na lang ini santu man sa bag-o lang guinpapanaug nga guidelines sang Department of Health (DOH).
Ako nagapasalamat sa bug-os nga konseho sa pag-aprubar sini nga lihok kag kay Councilor Paul Baticados sa pagsulong sini nga Ordinansa.
-MAYOR RONNIE DADIVAS
© 2023 All rights reserved