Aton subong gintugyan sa 1,672 ka teaching kag non-teaching personnel sang DepEd Roxas City Schools Division ang Annual Assistance sang City Government bilang pagkilala kag pagpasalamat sa ila daku nga kontribusyon, serbisyo kag dedikasyon sa paghatag sang kalidad sang edukasyon sa aton mga kabataan sa Roxas City.
Gintinguhaan naton nga mapataas sa tig- PHP 3,500 ang ila mabaton nga bonus halin sa syudad subong nga tuig.
Pinaagi kay Vice Mayor Inday Teresa Almalbis aton man ginpaabot ang pagpanginbulahan sa mga nagabug-os sa DepEd Roxas City Division sa pagpanguna ni Schools Division Superintendent Dr. Roel Bermejo sa ila paghakot sang award sa 22 tanan ka categories sa ginhiwat nga 2023 CIRCLE Award (Curriculum and Instruction Regional Champions for Learning Excellence) kalakip diri ang pag deklarar sa ila nga Top Performing SDO kag Most Learning-Focus Division.
