Gintambungan naton kaina ang ginhiwat nga Launching sang Tatlo ka World Bank-Funded Projects sa Department of Agriculture. Ginakalipay ko nga ibalita sa inyo nga ang aton ginahandum nga pag-establisar sang Roxas City Abattoir (Slaughter House) nangin kwalipikado para sa pagpondo sang World Bank sang balor 76.3 Million Pesos nga Grant sa idalum sang Department of Agriculture -Philippine Rural Development Project Scale-Up Sub-Project.
Ang Certificate of Eligibility for Funding gintugyan sa aton personal nanday Department of Agriculture Secretary Francisco Tiu Laurel Jr. kag Hon. Ndiame Diop, World Bank Country Director for Brunei, Malaysia, Thailand and Philippines. Kaupod ko nga nagbaton sanday City Councilor Gary Potato kag Ms. Lorelei Piansay.
Panugod na ini sang katumanan sang aton handum nga mailisan kag ma-upgrade na sa Double AA standard ang aton 30 anyos na nga Slaughter House.
-MAYOR RONNIE DADIVAS
