Naimbitahan kita sang National ICT Confederation of the Philippines (NICP), Visayas ICT Cluster Organization (VICTOR) kag Department of Information and Communications Technology (DICT) nga magtambong kag mangin kabahin sa mga panelist sa ginahiwat nga 10th Visayas ICT Conference (VICTOR) sa Boracay, Aklan.
Isa ka honor para sa aton nga ang ginpanghimu naton nga mga inobasyon sang City Government agud mapadasig kag mapaayo ang serbisyo sa taga-Roxas kapareho sang Automated Collection Management Information System, Contact Tracing System, CoVid-19 Task Force Monitoring Dashboard kag iban pa nga inobasyon gamit ang moderno nga teknolohiya ginakilala nila. Ini rason nga kita kabahin sa mga Local Government Units sa Visayas nga napilian agud magpakigbahin sang aton Best Digital Innovation Practices.
Kalakip sa mga nagtambong sa nasambit nga kahiwatan sanday DICT Secretary Ivan John E. Uy, Director Emmy Lou Delfin –DICT –ICT Industry Development Bureau, Assistant Secretary Jeffrey Ian Dy –Assistant Secretary for Upskilling, Dr. Mary Joy Abueg –President, National ICT Confederation of the Philippines (NICP) President, Palaweño ICT Association, Undersecretary of ICT Industry Development Atty. Jocelle Batapa-Sigue,DICT–R6 Regional Director Jane Javellana, Assistant Secretary for ICT Industry Development Maria Teresa M. Camba, Aklan Governor Jose Enrique Miraflores, Tagbilaran City Mayor Jane Yap, Bogo City Mayor Atty. Carlo Jose Martinez, Capiz ICT Council kag iban pa.
