Plano naton nga magpatigayon sang assessment ang mga coral reefs sa Marine Protected Areas sa Roxas City kag mahibaluan ang epekto sang Lambaklad sa industriya sang pangisda kag marine resources sa syudad.
Ginhingyu ko ang bulig sang eksperto halin sa UP Visayas nga si Dr. Wilfredo L. Campos, faculty sang Oceanbio and Marine Biolabs agud magpatigayon sang survey para matun-an ang estado sang coral reefs sa mga ma-identify nga Marine Protected Areas (MPA) sa Olotayan, Cogon, Punta Cogon kag Mantalinga.
Paagi sini madeterminar naton kon ano ang maayo nga himuon sa pagpreserbar kag proteksyon sang dunang-manggad sa kadagatan, madeterminar ang lugar nga posible himuon nga Tourism Sites nga indi makahalit sa corals kag kon diin ang igamentinar para sa research study.
Una na nga nagpatigayon sang survey si Dr. Campos sa Roxas City sang 1998, 2006 kag 2018. . Iya nadiskurehan nga bugana sa nanari-sari nga variety sang corals kag isda ang mga MPA sites sa palibot sang Isla sang Olotayan.
-MAYOR RONNIE DADIVAS
