Nagtambong kita sa Send-off Ceremony sa aton mga atleta sa Roxas City nga magapasakup sa Palarong Pambansa 2024 sa Cebu .
May 25 tanan ka Roxasnon nga kabahin sa delegasyon sang Western Visayas nga magapaindis-indis kontra sa mga atleta sa iban nga rehiyon sa bilog nga Pilipinas. Ini sila ginabug-usan sang 13 ka mga athletes, 3 ka Coaches, 2 Trainer kag 7 ka DepEd official. Bilang pagpakita sang suporta, ang City Government naghatag sa ila sang allowance.
Handum naton nga makuha sang aton mga atleta ang bulawan nga medalya sa Palaro kag kita nagapangamuyo man para sa safe nila nga hampang.
