Ginlunsar sang Department of Science and Technology kaupod ang Roxas City Government ang Siyensya Portunidad nga programa nga may tema Kabuhayan gamit ang Siyensya, Teknolohiya kag Inobasyon.
Ini nga programa makabulig gid sa aton Micro Small Medium Enterprise, Local Food Producers kag food cart vendors lakip na ang mga farmers kag fisherfolks association.
Ang mga partisipante ginpaidalum sa orientation sa Mushroom Production and Tissue Culture, Preparing Nutritious Fishballs for Healthier Livelihood, Cocoa Tablea Making, Mastering Tuyo for Sustainable Income, Safe Food kag Packaging and Labeling.
Kaupod naton sa launching sanday DOST Regional Director Engr. Rowen Gelonga, DOST Capiz Provincial Director Juafe Abareles, PESO Roxas City Head Caroline Dadivas kag Capiz State University President Dr. Efren Linan.
-MAYOR RONNIE DADIVAS
