Good News! Luyag ko ipahibalo sa inyo nga madali na lang umpisahan ang pagtukod sang aton Super Health Station Project sa Barangay Loctugan.
Sa amon meeting ni DPWH Regional Director Sanny Boy Oropel amon na ginpinalisar ang plano sa konstruksyon sang proyekto halin sa Department of Health nga iga-implementar sang City Government kag DPWH.
Magluwas sa Super Health Station, gin-istoryahan man namon ni Engr. Oropel ang estado sang ila Road Network Projects lakip na ang pagtuon sa posible pagtukod sang bypass road agud malikawan ang traffic congestion. Para sa akon, subong nga tion mas kinahanglan naton ang konstruksyon sang mga bypass road agud malikawan ang paggutok sang mga salakyan sa aton dalanon sa syudad. Ini nga mga proyekto nagaangut sa aton handum para sa Bigger, Better kag Brighter Roxas City.
Kaupod man naton sa meeting ang mga katapo sang City Engineers Office sa pagpanguna ni City Engr. Antonio Amoroso kag City Planning and Development Officer Arnold Alarcon.
-MAYOR RONNIE DADIVAS
