Daku gid ang papel sang aton manunudlo sa edukasyon sang aton mga kabataan labi na sa malayo kag mabudlay lab-uton nga lugar pareho sang Olotayan.
Nahibaluan ko nga grabe ang sakripisyo sang mga manunudlo sang Olotayan Elementary School sa kada adlaw labi na ang mga naga-istar sa sentro sang syudad kag kinahanglan magtabok pa sa dagat para lang makatudlo.
Agud mapamag-an ang ila pag-antos kag bilang pagkilala sa ila daku nga kontribusyon agud mangin maayo ang kalidad sang edukasyon, naghatag kita liwat sang transportation allowance para sa 16 ka nga manunudlo. Ginbaton nila ini kaina sa pagpanguna sang ila Head Teacher Ma’am Agnes Alimonsurin.
-MAYOR RONNIE DADIVAS
