Kadungan sang selebrasyon kag paghanduraw sa ika-64 anyos nga kaadlawan ni anay Congressman Dinggoy Roxas nga isa ka UPSILONIAN ginpangunahan sang UPSILON SIGMA PHI Alumni Association kag UPSILON SIGMA PHI Batch “83 ang Unveiling Ceremony sang proposed park bilang pagdumdom kanday Senator Gerardo Gerry Roxas Sr. and Congressman Gerardo Dinggoy Roxas.
Aton ginpaabot ang pag-welcome sini nga proyekto kay bilang isa ka Roxasnon kag Capiznon ginakilala naton ang kontribusyon sang pamilya Roxas indi lang sa aton syudad kundi sa bilog nga Pilipinas.
Ang amo nga park magaangkon sang fountain, walkways, kag monumento sang mag-amay nga Roxas.
Si Sen. Gerry Roxas ang nangin katapo sang UPSILON sang tuig 1946 samtang si Dinggoy naman sang tuig 1984.
