Kaparehas sang aton nga guinpromisa sa iban nga barangay, ang ayuda nga bugas halin sa syudad magaabot man kada bulan sa Barangay. Bato.
Gani kahapon, 696 ka pamilya sa Bato ang liwat nga nakabaton sang tig 10 kilos nga bugas. Ikaduha na ini nga hugna sang rice distribution sa Barangay kag padayon nga magatupa samtang may guinapangatubang kita nga pandemya.
Kaupod ko diri si City Councilor Trina Marie Almalbis-Ignacio, Punong Barangay Rey Magallanes, Mr. Alvin Balgos- Tiangco kag Mr. Bordoy Viterbo sa pagtugyan sini sa mga benepesaryo.
“Nalipay ako kay nakabaton kami liwat sang bugas. Pirte guid kapiot sang pagpangabuhi kag kon makabaton ka sang 10 kilos nga bugas kada bulan daku na ina nga buhin sa palaligban. Ako ya nagapangamuyo guid nga indi ini pag-untaton bisan sin-o pa da pamangkuton, ini ang pinaka-da best nga programa,” pahayag sang isa ka Ginang sa Barangay Bato.