Nagpadayon ang aton distribusyon sang bugas sa Barangay Cabugao.
715 na ka pamilya ang resipyente sang tig-10 kilos nga bugas. Mas mataas ini kumpara sang nagligad naton nga guintagaan bangud aton nakita nga kinahanglanon man sang iban pa nga apektado man sang pandemya ang bugas.
“Indi matupungan ang guinahimo nga pagbulig ni Mayor kag sang City Government sa pumoluyo labi na subong nga nagalasa ang tawo kon diin makuha sang kalan-on bangud wala man saligan nga trabaho tungod sining CoVid. Nagapasalamat guid ako ya kay isa ako sa benepesaryo kag nagalaum pirme nga may bugas naman nga maabot dason bulan,” pahayag sang residente sang Brgy. Cabugao.