“Masakit sa amon pamatian nga may iban nga nagapalagaw istorya nga malain nga klase ang bugas nga nahatag sa amon. Wala ina kamatuoran. Intensyon guid nila nga mapauntat ini? Paano nalang kami nga pumoluyo. Ako maka pamatuod nga manami, mabuad kag maayo ang bugas nga guinahatag ni Mayor. Indi guid kamo mamati sa panira nila. Ila ya guinabutang sa alang-alang ang seguridad ta sa pagkaon tungod sang ila pamulitika” pahayag sang taga Dumolog.
Halin sa distribusyon sang bugas sa Baybay, nagdiretso kita sa Dumolog agud idul-ong naman ang ikaduha nga hugna sang bugas para sa 1,108 ka pamilya.
Nalipay ako nga mabatian mismo sa pumoluyo nga naapresyar nila ini nga programa kag daku ang nabulig sa ila pagpangabuhi.
-MAYOR RONNIE DADIVAS