“Maayo nga klase sang bugas. Guinbuksan guid namon ang sako. Pasalamat kami kay Mayor nga may bulanan kami nga bugas. Indi dapat mag-untat kay wala kami makaon,” pahayag sang isa ka Lola sa Brgy. Inzo.
Sa pag-abot sang 10 – kilos nga bugas sa Brgy. Inzo 585 ka pamilya ang nakabaton. Nalipay ako nga mabatian gikan mismo sa pumoluyo nga naapresyar nila ini nga programa bangud para guid ini sa ila.
Aton siguruhon nga samtang may pandemya, magaabot ang bugas sa kada barangay. Wala sang magutuman tungod may kan-on sa lamesa ang kada pamilya.