Subong, 665 naman ka pamilya sa Barangay Inzo ang aton guindul-ungan sang tig-10 kilos nga bugas sa ikaduha nga hugna na sang distribusyon.
Upod namon sanday Councilor Gary Potato, Kapitan Rey Magallanes, Alvin Tiangco nga representante ni Councilor Cora Balgos Tiangco kag mga konsehales sang barangay.
Sa pagpakig-istorya sang aton bugas team sa isa ka benepesaryo iya guinhambal: “Daku – daku guid ya ang nabulig sang libre nga bugas sa amon pamilya kada bulan. Indi na kami magsalig pirme sang guinhawa namon sa mga kabataan ko sa pihak balay kay pamilyado naman sila. Pareho kami may parti. Napangamuyuan ko guid ina nga kuntani padayunon guid ni Mayor,” pahayag sang taga-Inzo.
Saligan ninyo nga samtang may pandemya, padayon ang aton pagbulig sa aton kasimanwa nga mas nagakinahanglan.