“Pinaka – importante guid sa amon kag gakalipay guid kami kada magbalita nga may pabugas naman nga maabot si Mayor. Indi na kami pagkibangon nga basi wala na kami tilig-angon, pamahawon kag panyapunon. Pila naman ni ya ka adlaw namon nga konsumo. See you naman sa sunod bulan Mayor ah!” pahayag sang taga Jumaguicjic Ville.
512 ka pamilya sa Jumaguicjic ang nakabaton sang tig-10 kilos na naman nga bugas sa ikaduha nga hugna sang aton distribusyon. Padayon ang aton pagbulig sa pumoluyo agud masiguro nga samtang may pandemya, wala sang magutuman nga pamilya.