“Indi na balik-balik sa tindahan aga-hapon akon bata para magbakal beinte-beinte, tunga sa kilo nga bugas. Mga duha naman ni namon ka semana nga konsumo ang hatag ni Mayor Ronnie sa amon. Thank you guid Mayor,” pahayag sang isa ka Nanay sa Sitio Nursery, Lawaan.
Ang Barangay Lawaan amo ang may pinakadaku nga populasyon sa Roxas City.
Gani, sila man ang may pinakamadamo sang alokasyon sang bugas nga aton guinapanghatag.
Subong nga adlaw 2,882 ka pamilya ang resipyente sang ikaduha nga hugnat sang distribusyon sang bugas sa Lawaan nga aton guinhatag subong nga hapon.
Sa guihapon aton guinapamatian ang tingog sang pumoluyo nga nagapangabay nga ini nga programa magpadayon samtang kita tanan nagapangatubang sang pandemya.