“Sa amon nga gapangabuhi sa pangisda, indi problema ang sud-an. Makamantinir kami nga ibis pirme ang sud-an basta may bugas lang nga tilig-angon. Dako nga bulig ang ayuda nga bugas kada bulan. Parehas sang akon mga kasilingan diri, nagalaum ko nga indi ini mauntat nga programa. Wala pa Mayor nakaobra sini. Si Dadivas palang” pahayag ni nanay Flor sang Libas.
2,318 ka pamilya ang guindul-ongan naton sang ikaduha nga hugnat sang tig-10 kilos nga bugas sa Barangay Libas.
Sa kada bulan siguruhon naton nga may inugsulod sila nga bugas sa talagbasan kag indi mahubsan labi na sa mga pumuluyo nga yara sa baybayon sa panahon nha mabudlay para sa ila ang pagpalawod.