“Daku nga bulig sa amon nga mga pigado ang bugas nga nahatag kada bulan. Guinapasalamatan guid ina namon ya kay Mayor kag ini ang nakasalbar sa amon gutom. Hamak mo pa na nga malibre imo 10 kilos. Tigana nalang sa pambakal sud-an ang budget ,” pahayag sang taga – Pagutok, Milibili.
Ang aton bulig sa kabarangayan labi na sa mga kasimaryo ko sa Milibili indi mapauntat bangud amo ini ang guinpangako namon sa pumoluyo. Subong nga aga 1,189 ka pamilya ang nagkalipay matapos makabaton liwat sang bugas halin sa syudad.