10-Kilo Rice Distribution – Brgy. Olotayan

Pila ka adlaw na nga naeksperyensyahan naton ang malain nga panahon. Nag-agi na ang Jolina kag nagasunod naman ang bagyo nga Kiko. Ang kasimanwa naton sa Isla sang Olotayan nagakinahanglan sang ayuda kag guinagutom na kay indi makapanagat bangud tuman ka delikado.

Gani samtang medyo maayo pa ang tyempo kag wala pa magtupa ang isa na naman ka bagyo guintabok namon sila dala ang tig-10 kilos nga bugas talapod sa 330 tanan ka pamilya masiguro lang nga may ara sila sang tilig-angon sa masunod nga mga inadlaw.

“Akon nasaksihan kag nabatyagan ang hamili nga pagpalangga sang halangdon nga Mayor Ronnie Dadivas sa Olotayan nga wala niya kita pagpabay-i. Subong nga nakahala ako sa inyo, guinapaabot ko sa inyo nga pamilya ko nga ang programa ni Mayor maayo. Diri ako naghando sa akon taguipusuon nga suportahan ta siya. Subong ang commitment ko napaabot ko na sa aton halangdon nga Mayor Ronnie Dadivas,” Former Brgy. Captain Bongbong Aninang.

0 Comments

There are no comments yet

Leave a comment

Your email address will not be published. Required fields are marked *