“Salamat guid sa Syudad kag kay Mayor Ronnie sa bugas. Para sa amon nga mga imol daku guid ini nga bulig. Wala man kami pili sa guinahatag sa amon, pero ang mahambal ko lang the best ang kalidad sang bugas nga napanghatag niya, mabuad indi mabaho. Tani sigehon niya pa guid ang panagtag para maiban-ibanan man ang palaligban namon,” pahayag sang taga-San Jose.
Ang Barangay San Jose bisan napalibutan sang kauyaparan kag kabukiran, madamo guihapon sa mga kasimaryo ta diri nga nagapalibog pirme sang inugdalawat sang bugas.
Kapareho sang iban nga barangay, sila nagalaum sa pagpadayon sang pagpanagtag sang tig-10 kilos nga bugas.
Subong nga adlaw, amon naman guindul-ong ang bugas nga ayuda para sa 726 ka pamilya sa San Jose sa ikaduha nga hugnat sang distribusyon.