BUGAS SA TALON KAG BALIJUAGAN
“Basta may bugas lang sa talagbasan, buhi na kami. Mabantay lang da sa Baybay may sud-an na. Simple man lang pangabuhi namon. Pasalamat ako kay sa amo ko sini nga edad nakatilaw guid man kita libre nga bugas nga guinadul-ong pa sa imo,” mensahe sang isa ka residente sa Talon.
Ang ikaapat nga hugna sang 10-kilos nga bugas nakaabot na sa Talon kag Balijuagan subong nga adlaw. Bisan paano makapiyan-piyan ini sa galastuhan sang kada pamilya. Nalipay ako nga ipahibalo man sa pumoluyo sini nga mga barangay nga sa sunod naton nga pagkadto sa ila, tig-15 kilos na nga bugas ang aton dala.
Salamat sa mga opisyales kag mga lideres naton sa Barangay nga aktibo guihapon nga nagaserbisyo sa ila kasimaryo gani matalunsay naton nga natugyan ang bugas sa kada benepesaryo.