“Malawig na ang maabutan sang 10 kilos nga bugas. Mabuad kag maayo nga klase. May pa sample pa antes ihatag. Mayor, indi pagpamati sa mga malisyoso nga reklamo. Pila ka beses na kami nakatilaw sang bugas hay okay man. Indi na ya matuod ila napanghambal. Kun tani indi mag-untat ang imo bulig sa amon kay diri namon nabatyagan ang tuod nga pagpalangga, wala guinatipid ang paghatag bulig,” Tay Dodong sang Malipayon, Tiza.
Nakaabot na sa 1,395 ka pamilya sa Barangay Tiza ang tig-10 kilos nga locally milled NFA Rice. Kinahanglanon guid nila ini subong bangud tuman ang nangin epekto sini nga pandemya sa madamo nga pamilya sa Barangay. Indi ini mag-untat samtang ang pumoluyo nagasinggitan nga magpadayon ang programa bangud ini kinahanglanon sang ila pamilya.