Indi matago ang yuhom sang kalipay sa mata sang 398 ka pumoluyo sang Brgy. VIII nga nakabaton sang 10-kilos nga locally milled NFA bugas halin sa City Government subong nga aga.
Kada bulan na nila ini mabaton kag makabulig agud magasiguro naton nga wala sang magutuman nga pamilya sa tunga sang pandemya.
“Saksi ako subong nga maayo nga klase nga bugas ang guinahatag. Wala baho. Indi ina matuod ang palapta nga istorya sang iban ah. Kapila ka beses na namon natilawan. Hai maayo pa guid kay sa sunod nga bulan may mabaton naman kami. First time nga na experience namon nga sinako – sako ang bugas ang napanghatag” pahayag sang isa ka residente sa Plaridel Street.