“Kami sa RC TODA nagapasalamat guid kami kay Mayor Ronnie bangud wala guid niya guinpabay-an ang mga Tricycle drivers,” pahayag sang isa ka tricycle driver.

Subong nga adlaw, 1457 ka katapo sang Roxas City Tricycle Operators and Drivers Association sa pagpanguna sang ila Presidente nga si Wilson Devela kag opisyal nga si Joseph Soberano ang nakabaton sang ikaduha nga hugna sang tig-10 kilos nga bugas halin sa City Government. Ini amon personal nga guintugyan sa ila upod sanday Councilor Trina Almalbis Ignacio, Mr. Alvin Tiangco nga nag representar sa iya iloy nga si Councilor Cora Balgos Tiangco, Kap. Rey Magallanes kag Bordoy Viterbo.

Magluwas sa bulanan nga bugas tinguhaan namon nga makabaton sang subsidiya ang mga tricycle drivers. Ini makabulig – bulig man sa ila pangabuhi subong pandemya bangud aton nahibaluan nga mahina guid ang ila kita sa pagpamasahero.

Leave a Reply

Your email address will not be published. Required fields are marked *