“Nabuhin-buhinan ang kabug-at sang ginapas-an namon nga problema subong kay may libre kami nga bugas. Daw nabugnutan sang tunok akon dughan. At least makaguluginhawa kita pila ka semana sa pagdalawat bugas,” mensahe sang taga-Bato.
Yanda nga hapon, ang yuhom sang taga – Bato ang nagsugata sa aton Bugas Team bangud sa kalipay kay ila na nabaton ang tig-15 kilos nga bugas. Solve naman ang palaligban kag may kalan-on sa masunod nga mga inadlaw ang bilog nga pamilya.