Sige ang trabaho bisan Sabado madala lang ang ginakinahanglan nga serbisyo sa kabarangayan. Bugas Para sa taga-Bolo ginhingagaw naton nga madala sa 1,970 ka pamilya subong nga aga bangud nakahibalo kami nga amo ini ang inyo kinahanglan subong nga indi mapaktan ang dalagan sang panahon. May maayo nga may tigana nga tilig-angon sa panimalay
“Naapresyar ko gid ya ang aton Mayor kag mga empleyado sa City Hall subong. Wala gaisip oras kay biskan Sabado ari sila ya galumbayag sa Barangay, gahakwat sinako nga bugas para indi magutuman ang tawo. Salamat gid sa padayon nga pag-ulingag sa amon,” sunu sa taga – Bolo.
