“Sa kabudlay sang pangabuhi subong, daku gid ya nga makapiyan-piyan ang libre nga bugas Mayor. Kon wala pa ni ambot nalang kon diin kami manumong-sumong nga ulutangan,makatig-ang lang,” sunu sa taga-Culajao
Masobra 500 ka pamilya sa Culajao ang aton napayuhom subong nga adlaw bangud nadul-ong na ang ginahulat nila nga 15 kilos nga bugas. Kita nakaintindi gid sang ila ginaantos subong bangud sa pagmahal sang mga balaklon nga nadugangan pa sang pagtuhaw sang red tide nga nakaapekto sa pangabuy-anan sang iban sa ila. Bisan sa bugas nalang makabuhin kita sa ila galastuhon.