“Importante gid ni sa amon nga makabaton sang bugas subong, solve naman ang problema. Kay libre, kundi may pambakal man kami manamit-namit nga sud-an sini kag madugang-dugangan man ang balon sang kabataan,” siling sang resipyenti sang bugas sa Culasi.
Sa pagpadayon sang aton food security program, masobra 2 mil ka pamilya sa Barangay Culasi ang nakabaton sang tig-15 kilos nga bugas kaina. Ini ang pamaagi naton agud makapiyan-piyan sa ila ginapas-an nga problema kag masiguro nga wala sang pamilya nga magutuman.