“Mabudlay gid sa amon subong ang pagpangabuhi halos tanan nga balaklon nagtaas ang presyo maayo nalang ginpadayon ni Mayor Ronni Dadivas ang iya ayuda nga paghatag sang bugas nakapiyan piyan sa amon nga galastuhon,” mensahe sang taga – Dumolog.
Ikaduha nga barangay nga ginkadtuan sang aton Bugas Team subong ang Dumolog. Bangud luyo lang sang Cogon, ginhingagaw man naton nga mapadala sa kada nagakinahanglan nga pamilya ang tig-15 kilos nga ayuda sang syudad.
Sa tion sang krisis padayon kita nga nagatinguha nga mapaabot ang bulig sa ila.