“Basta may bugas lang, naga-OK na amon pamatyagan. Sa isa ka semana, maayo amon bugtaw kay indi ka na magpalibog nga basi wala ka tig-angon. Salamat gid Mayor Ronnie sa inyo pirme pagdumdom sa amon,” mensahe sang taga-Barangay 2.
Doble nga barangay ang nagakalipay subong nga hapon bangud dungan sila nga nakabaton sang tig-15 kilos nga bugas halin sa syudad. Ginatos ka pamilya sang Barangay 2 kag 3 ang aton nadul-ungan sang libre nga bugas pangkonsumo nila sa masunod nga mga inadlaw.