BUGAS SA JUMAGUICJIC
“Abaw salamat guid kay Mayor Dadivas kay kaabot na ang 15 kilos nga bugas. Sadya lang kon masudlan kag mapuno naman ang talagbasan ta. Wala palaligban kon may tilig-angon ka sa sunod nga adlaw kay ari libre na ang bugas ginadul-ong pa . Kabudlay sang pangabuhi subong kay gaminahal naman presyo sang Gasolina kag balaklon,” mensahe sang isa ka residente sa Barangay Jumaguicjic.
Sa tunga sang mga problema nga guinaatubang sang tanan kag sa pagtaas sang presyo sang mga balaklon aton siguruhon nga magapadayon ang libre nga bugas nga aton ginadala sa Barangay. Masaligan ninyo nga sa tunga sang krisis wala sang may magutuman. Salamat sa akon mga partner nga nagasuporta sini nga programa labi na sa akon partner nga si Nanay Vice Inday Teresa Almalbis nga nagdala pa sang Gatas para sa mga Nanay, Tatay kag kabataan.
