“Kanami gid ya ang City subong sa liderato ni Mayor Ronnie kay bisan mabunok ang ulan, ginsulay gid nila para lang madeliver diri sa amon sa Tanque ang bugas. Batyagan namon minatuod gid ya iya pag – ulingag sa tawo,” sunu sa taga – Tanque.
Ulan man ukon init sige ang pagdul-ong sang bugas sa Tanque bangud kinahanglan ini sang aton pumoluyo labi na subong nga malain ang panahon. Diri masobra isa ka libo ka pamilya ang nakabaton sang bugas subong nga adlaw.