May kapin 602 naman kita ka pamilya nga napasadya subong nga adlaw sa Tanza sang ila mabaton ang tig-15 kilos sang libre nga bugas halin sa syudad. Indi mapunggan sang malain nga panahon ang pagdala sang ayuda sa Barangay bangud sa mga adlaw nga kasubong sini mas labi ini nga kinahanglan sang pumoluyo.
“Naapresyar gid namon nga bisan malain ang tyempo, nagaabot gyapon ang bugas. Daku nga bagay ina para sa akon nga nagahulat para may tig-angon naman kay pila na ka adlaw nga pigado ang pangita tungod sa ulan-ulan,” sunu sa taga-Tanza.