Yanda nga adlaw nabaton na sang taga-Barangay X ang 15-kilos nga bugas halin sa City Government nga aton nahibaluan nga ginahulat gid nila agud makapiyan-piyan sa kabudlay sang pagpangabuhi sa tunga sang pandemya kag tig-gulutom.
“Grabe gid amon bantay-bantay kag pamangkutanon kon san-o kita hatagan bugas. Ti ari na gid man, hai nalipay gid ko ya eh. Hamak mo pa na nga makamenus-menus sa galastuhan mo sa pila ka adlaw. Pasalamat gid kami ya nagtupa subong nga bulan,” mensahe sang taga-Barangay X.
