Bilang pagpasalamat sa nangin serbisyo, mga sakripisyo kag ginpakita nga commitment kag dedikasyon sa trabaho sang mga manunudlo nga nangin katuwang naton sa pagsiguro nga makaangkon sang kalidad nga edukasyon ang kabataan sang syudad, nagtugyan ang City Government sang tig-3,000 nga assistance sa 1500 tanan ka Teaching kag Non-teaching personnel sang DepEd Roxas City Division.
Naghatag kita tyempo agud personal sila nga pasalamatan kag matugyan ang makabig bonus sa maayo nga performance sa trabaho.
Kadungan sini akon man personal nga ginpaabot sa tanan nga manunudlo sang Roxas City Division sa pagpanguna ni Schools Division Superintendent Dr. Roel Bermejo kaupod si Chief Education Supervisor CID Dr. Marvic S. Martirez ang pagpanginbulahan sa ila nangin kadalag-an sa ginhiwat nga 2022 CIRCLE Awards (Curriculum and Instruction Regional Champions for Learning Excellence) sa diin sila nakakuha sang award sa 16 tanan ka categories pamatuod sang dekalidad nga edukasyon nga ila ginahatag.
-MAYOR RONNIE DADIVAS