283 ka kabataan sa Roxas City ang na-identify sang Department of Labor and Employment (DOLE) Capiz nga mangin benepesaryo sang ila Project Angel Tree Program– ang programa nga nagatuyo nga magapanubo ukon dalayon nga magatapna sang child labor sa syudad kag probinsya.
Kaina, ginpatigayon sang DOLE-Capiz sa pagpanguna ni Ms. Amalia Judicpa kaupod sanday outgoing City Councilor Inday Trina Almalbis Ignacio, City Councilor Elect Doc Pip Acepcion, CSWDO, kag Philippine Dental Society – Capiz ang pag turn-over sang food packs, hygiene kits kag iban pa nga bulig sa mga child laborers.
Ang Project Angel Tree Outreach Program tuigan nga ginahimu sang DOLE katuwang ang City Government kag mga Volunteer organizations agud malikawan ang Child Labor, mahatagan kag magiyahan ang mga ini sa pag-angkon sang maayo nga buas-damlag.
