Indi matupungan ang kalipay sang bug-os nga pamilya nanday Tatay Francisco kag Nanay Darlene Bediones sang Sitio Nursery, Lawaan bangud sila magasug-alaw sang paskwa kag bag-ong tuig nga bangud may bag-o kag mas mabakud nga balay na sila nga puluy-an.
Sila nangin resipyente sang Bahaynihan Project nga magkatimbang nga guinpatukod sang Roxas City Police Station sa pagpamuno ni Pltcol. Aron D. Palomo, City Government, Mr. Bords Viterbo kag iban pa nga partners.
“Madamo guid nga salamat sa inyo. Wala guid ako nagaekspektar nga makay-o pa ang guba ko nga balay kag magkabalay ako sang pareho sini. Salamat guid sa inyo bulig sa akon pamilya,” emosyonal nga mensahe ni Tatay Francisco Bediones.
Nangin taglawas ni Mayor Ronnie Dadivas sa nasambit nga hilikuton si Mr. Glenn Amane. Nagtambong man diri sanday LTCOL. Jose Badill nga nagtiglawas kay PCOL. Laudemer N. Llaneta Acting Provincial Director kag Barangay Kapitan Jocelyn Asis.