Aid and Relief assistance to the victims of Brgy. XI fire

“Tuman kasakit batyagon nga manugpaskwa madulaan pa kami balay. Grabe nga problema amon guin-atubang subong nga 2021. Daw indi ko mabaton. Wala guid kami may nasalbar bisan isa,” nagahilibion nga pahayag sang isa ka Nanay nga nasunugan sa Brgy. XI.

Duha ka adlaw antes naton sug-alawon ang paskwa, masubo ang guindangatan sang 4 ka pamilya sa Fuentes Subd. Brgy. XI nga nadulaan sang puluy-an bangud sa sunog.

Guilayon naton ini nga guinparespondihan sa aton mga Emergency Frontliners sang CSWD, CBAO, CDRRMO kag RCCG agud idul-ong ang immediate assistance (bulig) sang syudad pareho sang food packs, hygiene kits, hot meals, gatas para sa kabataan nga guinpadala ni Nanay Inday Teresa Almalbis kag iban pa nga nagapanguna nila nga kinahanglanon.

Inisyal pa lang ini nga bulig kag sa masunod nga inadlaw mahimu pa kita maghatag sang dugang nga ayuda sa ila.

Nagapasalamat kita sa Bureau of Fire Protection – Roxas, CACAG kag Ferocity sa madasig nga pagresponde bangud wala na maglapta ang sunog kag magdalahig sang iban nga panimalay. Salamat man sa iban pa nga katapo sang Team Upod Kita, kay BM Thea Faith Reyes, nga nagpadala sang bulig lakip na sa mga concerned citizens nga guilayon nga nag donate sang bayo kag iban pa nga gamit sa apektado nga pamilya.

Sa mga kauturan naton nga luyag magbulig magpakig-angot lang sa aton CSWD ukon direkta sa Barangay. Kinahanglanon nila ini agud mapamag-an ang kalisod nga ila nabatyagan labi na subong nga nagahilapit na ang paskwa kag bag-ong tuig.

0 Comments

There are no comments yet

Leave a comment

Your email address will not be published. Required fields are marked *