“Sang nakita ko nga gakasunog na ang akon balay, daw mawasak ang akon dughan. Daw indi ako makapati kag indi ko mabaton nga sa amo lang sina kadali madula ang akon kinabudlayan, wala guid ako sang may nasalbar. Tanan nangin abo. Apang pagkatapos sini, amat-amat nga nag-alabutan ang bulig, kadamo katama sang gusto ko pasalamatan. Salamat sa Diyos kay wala niya kami guinpabay-an,” pahayag isa ka fire victim.
Nagapasalamat ako sa OFFICE of the PRESIDENTIAL ASSISTANT for the VISAYAS kag sa talatapan ni SENATOR BONG GO sa madasig nga pagresponde sang kinahanglanon sang aton mga kasimanwa nga nasunugan kag paghatag sang ayuda pinaagi sa DSWD Program nga Aid to Individual in Crisis Situation.
Subong nga adlaw upod sanday DSWD Assistant Secretary Victor Neri, Presidential Legislative Liason Office Undersecretary Gerard Salapantan, Department of Agriculture Assistant Secretary Kristine Evangelista, Ms. Mae Samantha Dela Pena, Political Officer – Office of Senator Bong Go, Office of the Presidential Assistant for the Visayas Iloilo City Executive Assistant Alma “Bing” Juaneza kag Culasi Barangay Captain Inday Teresa Almalbis personal nga guintugyan kag nabaton sang mga nasunugan nga pamilya ang kabug-usan nga 12,000 pesos nga bulig pinansyal para sa ila liwat nga pagbangon.
Indi basta basta ang madulaan sang balay kag mga pagkabutang nga madugay mo nga guinpundar sa isa lang ka pisok. Daku nga bagay para sa kada pamilya nga biktima sang sunog sa Poblacion Culasi nga makabaton guilayon sang ayuda indi lang halin sa lokal nga gobierno sa syudad, barangay kag private sector kundi mismo sa National Government.