Mainit ang pagsug-alaw sang pumoluyo sa pag-abot sang AirAsia sa Roxas City nga ginpasadya pa sang ila ginhiwat nga public concert kaupod ang banda nga Sponge Cola.
Sa nasambit nga aktibidad ginrepresentar kita ni City Administrator Love Usison nga nagpaabot sang aton pagpanginbulahan sa madinalag-on nga aktibidad kag pagpasalamat sa pagpili sa Roxas City bilang ila bag-o nga destinasyon, subongman pagbukas sang dugang nga opurtunidad sa negosyo kag komersyo nga makabulig sa pagbangon naton sa epekto sang pandemya.
