Ang aton gid pagpanginbulahan sa 47 naton ka Child Development Centers kag 3 ka Child Development Workers sang Roxas City nga nakaangkon sang 5-Star Rating sa ginpatigayon nga Regional Validation/ Accreditation of Child Development Centers kag Child Development Workers sa DSWD Region 6.
Ini pamatuod sang maayo nila nga performance sa trabaho kag pagtinguha agud masiguro nga mahatagan sang dekalidad nga edukasyon ang aton mga day care preschoolers sa syudad.
Luyag man naton hatagan sang espesyal nga pagkilala ang tatlo (3) ka Child Development Workers nga ginkilala bilang outstanding and highly competent Child Development Workers nga amo sanday Elena Aguilos sang Barangay Lanot, CDC -Nasagud Lanot, Rebecca Acepcion- Barangay Cagay CDC – San Isidro kag Noel Borreros, Barangay VII CDC.
Ang ila kadalag-an, kadalag-an naton tanan labi na sang aton mga kabataan.
