Pagkatapos sang 2 ka tuig aton guintipon kag guinpasidunggan ang tanan nga FRONTLINERS sang ROXAS CITY, ang mga matuod nga baganihan sa tunga sang CoVid-19 Pandemic sa guinhiwat nga “BAHANDI SANG ROXAS CITY AWARDS,”

Ini agud ipabutyag sa ila nga ang ila sakripisyo para malampuwasan sang syudad ang krisis wala naton guinakalimtan, nga importante sila sa aton pangginobyerno.

Aton man guinadumdom ang mga frontliners naton halin sa City Government asta sa Barangay nga nangin katuwang naton sa serbisyo apang sa masubo nga palad guinbawian sang kabuhi.

Magluwas sa Certificate of Merit, Service, Leadership, Institutional kag Journalism Awards guinhatagan naton sila sang gamay nga insentibo agud bisan sa simple nga pamaagi sang pagpasalamat kag mapasadya man naton ang ila paskwa.

“Lakot nga kasubo kag kasadya akon nabatyagan subong. Na surprise kami nga may programa nga amo sini in honor sa amon. Wala namon guin-expert nga amo sini kadako ang amon value as Frontliners. Indi ko mapunggan magtulo ang luha kay habang gabaton ko award, nadumduman ko aton mga inagyan the past 2 years. Masubo pero at least NASURVIVE naton,” emosyonal nga pahayag sang isa ka frontliner.

Salamat sa inyo pagsalig kag guinhatag nga suporta sa akon bilang inyo lider sa aton pagpakigbato sa CoVid. Amat-amat naton nga nalampuwasan ini nga krisis bangud sa inyo kooperasyon.

-MAYOR RONNIE DADIVAS

Leave a Reply

Your email address will not be published. Required fields are marked *