Duha ka pamilya sa Isla sang Olotayan ang napatindugan sang bag-o kag mas mabakud nga puluy-an pinaagi sa BAHAYnihan Project sang mga katapo sang Roxas City Police Station kapartner ang Rotary Club of Metro Roxas kag sa iban pa nga mga sponsors.
Sanday Ismael Padasma kag Trinidad Flores amo ang ikaapat kag ikalima nga benepisyaryo sang nasambit nga proyekto nga pormal nga guinturn-over kaina nanday PCOL Laudemer Llaneta, Capiz PnP Provincial Director kag Roxas City PNP Chief of Police PLT COL. Aron Palomo.
Dungan sang ila pagsaylo sang puluy-an nagpadala man ang City Government sang grocery items para dugang nga bulig sa pamilya.
Akon guinapaabot ang pagpanginbulahan sa tanan nga kabahin sini nga inisyatibo. Matuod guid nga kon nagabinuligay ang tanan, pribado o pampubliko nga sektor mangin mahupos kag madinalag-on ang anuman nga hilikuton.
Nagapasalamat man ako sa nag representar sa akon sa nasambit nga seremonya – Mr. Glenn Amane, Mr. Persy Cordova kag si Kapitan Rey Magallanes sang Baybay.