BARANGAY Excell Awards 2022

Kadungan sang ginhiwat nga LGU Night aton ginpasidunggan kaupod sang DILG ang mga kabarangayan sa Roxas City nga tagdaug sang BARANGAY EXCELL AWARD 2022 “Upod Kita” sa Pag Excell-Barangay.

Ini pagkilala sa ila ginpakita nga dedikasyon sa pagserbisyo sa nasakupan nga barangay nga nangin rason sa madinalag-on nga kampanya sa pandemya, vaccination, peace and order, Environmental management kag iban pa nga mga pagpanghangkat.

Gindeklarar nga CHAMPION TOP BEST PERFORMING BARANGAY ang BARANGAY 10. 1ST Runner-Up ang Barangay Bago 2nd Runner Up ang Barangay Culajao kag 4th Placer ang Lawaan, 5th Place ang Barangay II, 6th Place ang Barra, 7th Place ang Milibili, 8th Place ang Baybay, 9th Place ang Tanque kag 10th Place ang Dayao.

TOP 10 BEST PERFORMING SANGGUNIANG KABATAAN naman ang Lawaan, Dumolog Milibili, Punta Tabuc, Talon, Libas, Cogon, Tanque, Baybay kag Culasi.

Nagapasalamat kita sa presensya ni Governor Fredenil Castro sa sini nga okasyon kaupod ang mga katapo sang Sangguniang Panlalawigan sa pagpanguna ni Vice Governor Mitang Magbanua kag mga alkalde sa kabanwahanan nga ginlakipan nanday Panay Mayor Vicente Bermejo, President Roxas Mayor Receliste Escolin, LMP President/ Maayon Mayor Raymund Malapajo, Mambusao Mayor Luz Labao, Mayor Jose Jimbo Barruela sang Dao kag r USWAG Ilonggo Partylist nga ginrepresentar ni Mr. Jameson Tan. Upod man naton sini nga okasyon sa pagkilala sa maayo nga hinimuan sang mga opisyales sa kabarangayan si Vice Mayor Inday Teresa Almalbis kag mga konsehales sang syudad.

0 Comments

There are no comments yet

Leave a comment

Your email address will not be published. Required fields are marked *