“Bilang BHW, nagaupod kami kay Mayor Ronnie halin pa man sadto asta subong. Wala kami hadluk sa pag-atubang sa mga challenges sa CoVid-19 kay suportado niya kami. Proud kami nga na recognize man ni Mayor amon contribution bilang mga frontliners,” pahayag sang BHW sang Barangay Baybay.
Antes magtakup ang tuig 2021, aton guintipon ang aton mga Barangay Health Workers sa Roxas City agud personal nga ipaabot ang pagpanginbulahan kag pagpasalamat sa ila daku nga kontribusyon sa kapin duha ka tuig na naton nga pagpakigbato sa pandemya. Sa sini nga hilikuton, aton guintugyan ang ila insentibo.
Gamay lang ini nga simbolo sang aton pagpasalamat apang bisan paano makapasadya man sa ila. Aton guinapasalig nga ini tinguhaan ta nga dugangan sa masunod nga tuig.
Sa tunga sang krisis NAG-STEP UP kag NAG-LEVEL UP ang aton mga BHW indi lang sa paghatag sang medical services kundi nagserbi sila nga aktibo nga Barangay Frontliners nga nagsakripisyo agud maproteksyunan ang bug-os nga komunidad.