Boat incident at Brgy. Punta Cogon, all 7 Passengers Safe

Bangud sa paghampak sang mabaskog nga balud sa may bukana sang Barangay Punta Cogon, isa ka baroto ang naubon subong nga hapon sakay ang 7 ka tawo nga papauli na kuntani sa Olotayan.

Sa maayo nga palad madasig sila nga na-rescue sang kasunod nga baroto kag ginrespondehan man sang mga katapo sang aton CDRRMO-RCERT kag ginhatagan sang nagakaigo nga atensyon medikal.

Ang mga sakay sang bangka nga sanday Joseph Veronica-Boat Captain kag pasahero nga sanday Jomer Veronica, Mary Joy Veronica, Mariel Legarda, Nathalie Borbon, Franz Torrecampo kag Jenny Mae Bagona yara tanan sa luwas nga kondisyon kag temporaryo nga nagatiner sa Punta Cogon Covered Gym.

Salamat gid sa mga concerned citizens nga wala nagpangduha-duha sa pagluwas sa mga biktima subongman sa CDRRMO-RCERT, Coast Guard kag Barangay Officials sang Punta Cogon nga nagresponde kag nagtatap sa iban pa nila kinahanglanon.

Sa mga nagabiyahe nga sakayan, medyo delikado ang pagpanakayon bangud malain ang panahon gani maghalong gid.

📸 credit – RCert / CDRRMO

0 Comments

There are no comments yet

Leave a comment

Your email address will not be published. Required fields are marked *