Bugana gid sa talento kag dunang-manggad ang Roxas City.
Ini ang ginpasundayag sang Biswal Kapisnon Artists sa pagpanguna ni Mr. Lloyd Develos sa guinhiwat nga Bugana Art Exhibition nga guinbuksan subong nga adlaw sa Casa Barza Gallery & Events kag magadugay tubtob sa Marso 31.
Tuman gid katahum sang ila mga obra nga nagapakita sang kultura, pangabuhi kag mga ginapabugal naton nga atraksyon sa syudad. Suportado sang syudad ang mga lihuk nga makabulig agud labi pa nga makilala kag mapasangkad ang abilidad sang aton mga Roxas City, Capiz artists.
